|
بدأت أميرة فتحي مشوارها الفني منذ عشر سنوات من خلال دور فتاة
محجبة في فيلم صعيدي في الجامعة الأمريكية
لمحمد هنيدي ومني زكي وغادة عادل،
وقبل ظهورها بهذا الفيلم شاركت حكيم في كليب افرض
وتوقعنا لها انطلاقة فنية
مثل اللاتي ظهرن معها لكنها لم تستطع الاقتراب من الخطوات التي حققنها،
رصيدها
السينمائي لم يتجاوز العشرة أفلام وفي جميع هذه الأفلام لاتخرج التعليقات
إلا علي
ملابسها المثيرة لدرجة أن الكثيرين وضعوها تحت قائمة ممثلات
الإغراء.
آخر
أزمات أميرة فتحي كانت مع منتج فيلم ابقي قابلني وتبادل كل منهما الاتهامات
تجاه الآخر، عن ذلك حدثتنا أميرة فتحي وصرحت أيضا عن نواياها
في تكرار العمل مع
السبكية وعلاقتها بمها أحمد وسعد الصغير..
تحدثت كما صرحت لنا بحقيقة حجابها
وطلاقها والمسلسلات التي عوضتها عن فيلم ابقي قابلني وأشياء أخري حدثتنا
عنها.
·
ما المشكلة التي بينك وبين
المنتج أحمد
السبكي؟!
ـ المشكلة بيني وبين أحمد السبكي وهو منتج فيلم ابقي
قابلني أني كنت زعلانة علي حقي المادي والأدبي،
ودعيت عليه في شهر رمضان،
ووجدته يكلمني ويقول إنتي بتدعي علي..
قلت له أنا بأقول إني عاوزة حقي من ربنا
المهم قال لي خلاص حقك علي وهبقي أعملك أفلام قلت له أنا مش في
دماغي أعمل أفلام
معاك دلوقت، وفجأة لقيت كلام علي لسانه في الجرائد والمجلات (كلام
بلدي قوي)!
بيقول (مين أميرة) وحاجات زي كده وقلت لأ خلاص أنا هاتكلم مع الصحافة
وبدأت أقول الحقيقة والمرة دي الصحافة واقفة جنبي بجد وهذا
الفيلم (ابتلاء من
ربنا) ومسحته من ذاكرتي ودي أول مرة أتعامل مع أحمد السبكي وقلت يمكن بعد
ما
أعمل أفلام حلوة زي (الفرح) و(كباريه) قلت يمكن أعمل معاه حاجة حلوة يعني
مثلاً تم حذف (أسبوع من مساحة دوري)
وانخدعت في حاجات كتير كنت متفقة عليها
وما حصلتش ومستغربة مايحدث ومش فاهمة فيه إيه؟!
ووجدت أحمد السبكي
بيكلمني وبيقول لي مش هتحضري مع نجوم الفيلم في المقابلات التليفزيونية
وقلت له
لا، قال لي:
إنتي بتستعري من الفيلم.. ورديت لأ أنا شلته أصلاً من دماغي
ومش فاكرة إني عملته!!
·
لماذا تلقين باللوم علي
المنتج هل من الممكن أن يكون وراء كل ذلك أحد أبطال الفيلم؟!
ـ
علاقتي بالجميع طيبة وسعد بني آدم لطيف وكويس ومها مش صحبتي
لكن مفيش بيني وبينها
أي حاجة، يعني هيه طلعت معايا في فيلم قبل كده اسمه بحبك وباموت فيك
وكنت أنا
بطلة الفيلم وقتها شوفي من كام سنة!!
ماعنديش مشاكل مع أي حد وما أعرفش إيه إللي
حصل.
·
ما الذي شدك للفيلم قبل حصول هذه
المشاكل؟!
ـ المفروض إنها محامية تقوم بتحضير رسالة الدكتوراة
والتي هي عبارة عن تقويم المجرمين وبيساعدها في ذلك والدها حسن حسني، وهو
طبيب
نفسي وعجبني، الدور جديد علي وماعملتش الشخصية دي قبل كده، وكنت فاكره إني هعمل
حاجة مهمة لكن كنت واهمة؟!
ده حتي اسمي كان بعد كل الناس اللي في الفيلم كلها
بعدما كنت أنا بأشيل أفلام لوحدي؟!
·
تنتظرين عرض
مسلسل (الهروب من الغرب)
فما هو دورك فيه؟!
ـ بأعمل شخصية (لوتس)
والدها مصري وأمها فرنسية وقريبة الشبه من شخصية مروة في فيلم (ابقي
قابلني) ووجدت فيها تعويضا كبيرا عندي ولا أريد أن أحرق أحداث المسلسل مع
خيري
بشارة ومحمد الغيطي
يعني سيكون مسلسلا رائعا! وتم تكريمي مؤخراً في سوريا علي
مسلسل (هدوء نسبي) وهذا العمل جمع فنانين كبارا من جميع البلاد العربية
وطبعاً
مع المخرج (شوقي الماجري)
وهو مخرج رائع، عاوزة أقول إني كنت طالعة من تجربة
الفيلم وأنا في
غاية الاكتئاب لكن ربنا عوضني بجد!
خاصة إن المسلسل سيتم عرضه
في القناة الأولي!!
·
بعد كل هذا الاكتئاب وهذه
المشاكل هل هتعملي أفلام مرة أخري مع السبكية؟!
ـ لن أجمع لأني
بأحب (محمد السبكي) جداً وهو مختلف تماماً عن (أحمد السبكي)
ومحمد
قدمني في أغنية (إفرض) مع حكيم ولم أر منه أي حاجة وحشة،
وما أعتقدش أني ممكن
أشتغل مع (أحمد السبكي)
تاني إلا بعد شروط كثيرة جداً،
والآن أنا لن أعمل معه
لأني مازال في داخلي جرح كبير!
ومش فارق معايا مين السبب في كل ما حدث لي
وبأقول (حسبي الله ونعم الوكيل)!
وكل ضربة بتقويني مش بتضعفني؟!
والجميل إن
الصحافة معايا المرة دي، وعلي فكرة مش ماشية في أي إجراءات لا قانونية ولا
غيره
لأني فوضت أمري لله وعاوزة الناس تنسي هذا الفيلم لأميرة؟!
·
في أول ظهور لأميرة في
(صعيدي في الجامعة الأمريكية)
كان في
الفيلم نجوم كتير ولكن أين أميرة منهم اليوم؟!
ـ باعترف إن اللحظة
الفاصلة أو لحظة التحول في حياتي الفنية لم تظهر بعد وماليش في المجاملات
ولامسح
الجوخ، وبعيدة عن الشلل،
يعني ماليش غير بيتي وشغلي وبأنتظر دور
يفرقع مع
الناس وهيحصل؟!
وفيه نجوم كتير أخدوا وقت حتي فرقعوا مع
الناس!
·
لماذا تطاردك الشائعات دائماً؟!
ـ مرة يقولوا
اتحجبت ومرة تانية يقولوا اطلقت، ياريت
يسيبوني أنا وجوزي في حالنا ومش عارفة
ليه بيطلعوا علي شائعات وهيستفيد إيه الصحفيون في إنهم يطلعوا الحاجات دي رغم إن
الصحفيين هم السبب في ظهورنا وشهرتنا للناس وبعدين كنت الأول
صريحة جداً وبأتكلم
بجرأة وده كان بيعمل لي مشاكل لكن دلوقتي أنا اتعلمت وبعدين طلعوا علي إني
باشتغل
بفلوس زوجي مع إن أول بطولة في حياتي في فيلم (فرقة بنات)
لم يكن من إنتاج
زوجي ولم ينتج لي سوي فيلم واحد وهو (اللبيس)
فقط،
وبعدين النهاردة بأقول
ياريت جوزي ينتج لي علي الأقل هاختار قصة كويسة وهيكون فيلم كويس!! لكن
المشكلة إنه عنده شغل تاني غير الإنتاج زي مصنع الملابس بتاعه لكن علي فكرة اللي
هيحصل إني بافكر معه جدياً إننا نعمل فيلم حلو؟!
خاصة إن
اللبيس كان فيلم
حلو وعمل إيرادات عالية جداً؟!
·
ممكن نسمع قريباً
إن أميرة مع أحمد السقا أو أحمد عز؟!
ـ طبعاً أحب أشتغل مع
النجوم كلهم وهييجي الوقت إللي هشتغل معاهم وعلي فكرة أنا باحب جداً كل
النجوم
إللي اشتغلت معهم ومنهم أحمد آدم وهاني رمزي وباحبهم الاتنين جداً وشايفة
إن
فيلم (صباحو كدب) نجح قوي ونفسي أشتغل مع (محمد سعد)
جداً
ونفسي أشتغل
مع (الزعيم عادل إمام)
وده من أحلامي!
·
لماذا
تحسب أميرة علي أدوار الإغراء!!
ـ والله ما أعرفش يمكن عشان
ربنا مديني شكل يوحي بالإغراء وعلي فكرة أصحابي إللي يعرفوني بيقولوا لي
(بت
يا أميرة إنتي منظر علي الفاضي)!
وعلي فكرة أنا لو ممثلة إغراء فقط كنت قبلت
بأفلام كثيرة جداً بس المهم إغراء شكله عامل إيه،
يعني ممكن أعمل إغراء ولكن
متوظف داخل الدراما مش مجرد إغراء للإغراء!
وعلي فكرة أنا أول ما طلعت ظهرت (محجبة)
في فيلم (صعيدي في الجامعة الأمريكية)
وطلعت أيضاً
ممثلة تسير مع
المبادئ في فيلم (اللبيس) ولو كنت مشيت في سكة الإغراء كنت هبقي
متواجدة في السينما بشكل كبير لكن كل إللي
عملته (عشرة أفلام) لاغير!!
·
كام
فيلم من العشرة تشعر أميرة أنها كانت سيئة جداً
فيها؟!
ـ هي ثلاثة
أفلام مش أكتر والباقي بأحبه جداً؟!
وشايفة إن باقي الأفلام كويسة جدا وناجحة
جداً!!
·
هل واجهتك صعوبات في حياتك تعلمت
منها؟!
ـ طبعاً قابلني أكبر اختبار من ربنا إني أفقد ابنتي الأولي وهي
عندها (سنة ونصف)
ماتت لأن عندها ثقب في القلب،
اتعلمت من التجربة دي حاجات
كتير جداً إني ماأزعلش علي حاجة لأن موت الابن أو الابنه ده
أكبر امتحان من
ربنا، واللي يصبر عليه يبقي أخد نعم كبيرة من الله، والحمد لله عندي ابنتي
(جوريوه)
عندها خمس سنوات وربنا عوضني بها خيرا!؟
صباح الخير المصرية في
27/10/2009 |
