|
فيس بوك ـ 25 أكتوبر
Mohamed Sayed AbdelRehim
في مجموعة كبيرة من أهم المخرجين والفنانين في مصر دعمت تجربة فيلم "ريش"
ومخرجه عمر الزهيري قبل وأثناء صنعه وبعد عرضه. المجموعة دي بتتسم بالغيرية
واللي معناها أنها بتحب الخير لغيرها بعكس ناس تانية الحقد والحسد
والكراهية أكلت روحهم قبل عيونهم وذائقتهم فخلوهم بدل ما يعبروا عن إعجابهم
بالفيلم - من ناحية جودة الفيلم لأن دي محدش يختلف عليها - يهاجموا الفيلم
وصاحبه ويتهموه بتهم عجيبة ويزوروا ويزيفوا حاجات علشان يثبتوا اللي في
دماعهم بس واللي ملوش أي سند في الواقع. الناس دي بيكشفوا نفسهم وبيكشفوا
مدى الحقد اللي جواهم |
|
|
|
#### |
|
|
|
فيس بوك ـ 24 أكتوبر
Mohamed Sayed AbdelRehim
من ١٢ سنة تقريبا كنت ياشتغل سكرتير عند الناقد والمخرج الكبير هاشم النحاس
وفي أحد المرات كنا بنقرأ كتاب في الفن التشكيلي عن فن التشكيل بالزبالة
وازاي ممكن تحويل قبح الزبالة إلى عمل فني جميل. الكتاب كان مليان صور
لكومات من الزبالة واللي كونت أعمال فنية مبدعة فعلا. الجميل في ابن
السبعين وقتها أنه كان قادر يستوعب ويقدر الشكل الفني الجديد ده. محتاجين
الأستاذ هاشم النحاس وناس زيه دلوقتي. هاشم النحاس هو الناقد الوحيد اللي
كتب مقالتين عن فيلم اللمبي الأولى كان رأيه سلبي والثانية كان رأيه إيجابي
بعد مناقشات مع كذا شخص. لم يخجل أبدا أنه يحط المقالتين في كتاب واحد
ويكتبلهم مقدمة عن ازاي أن الناقد ممكن يغلط ويفهم ويقدر الحاجة بعد كده
وأن فيلم اللمبي فيلم مهم وعظيم بيعبر عن المجتمع المصري في مطلع الألفية
الجديدة. أتعلمت كمان منه فكرة أن الصدق هو أهم حاجة في العمل الفني. كان
بيجيله صناع الافلام ويدوله أفلامهم في شرايط فيديو وسيديهات ونتفرج عليها
فأقوله ده فيلم وحش اوي فيقولي ليه فأقوله تصوير وحش أو صوت مش واضح فيقولي
بس صادق. الصدق كان هو المعيار بالنسبة له. لو صانع الفيلم مصدق اللي
بيقوله فده هيبان في الفيلم. ده كان من الدروس المهمة اللي بحاول افتكرها
كل يوم واللي أزعم أن هاشم النحاس كان صاحب النظرية دي وناشرها بينا اللي
اتعامنا على ايديه. في حب وتقدير الأستاذ هاشم النحاس |
|
|
|
#### |
|
|
|
فيس بوك ـ 24 أكتوبر
Mohamed Sayed AbdelRehim
واقعية ايه بس يا جماعة. اهدوا بقى. الفيلم كل ديكوراته مبنية مخصوص
للفيلم. بس معمولة باحترافية خلت حتى المحترفين فاكرين انها اماكن وبيوت
طبيعية. ده حتى المصنع جرافيك بس جرافيك مظبوط مش زي بتاع مسلسلاتنا اللي
الشركة المحتكرة بتصرف عليها مليارات |
|
|
|
#### |
|
|
|
فيس بوك ـ 23 أكتوبر
Mohamed Sayed AbdelRehim
باعتبر فوز عمر زهيري مخرج فيلم ريش بافضل فيلم عربي بمهرجان الجونة بعد
ايام من التخوين والترهيب والتقزيم كدفعة رئيسية وقوية لأي صانع أفلام مصري
أنه ميخفش وميهموش من أي رقابة رسمية أو مجتمعية ويفكر ويصنع عمله الفني
بكل حرية لأن العمل الفني الحر هو العمل الفني القادر على التعبير عن
الإنسان في كل مكان وزمان |
|
|
|
#### |
|
|
|
فيس بوك ـ 22 أكتوبر
Mohamed Sayed AbdelRehim
في أفلام بتبقى سابقة عصرها ومنها فيلم "ريش". يا ترى يعني ايه سابقة عصرها
اللي بنسمعها كتير دي. معناها أنه اخد خطوة جريئة وكبيرة في تطور السينما
بحيث أن كل المتلقين يبقوا مش مستوعبين النقلة دي. طب ليه الناس مش
مستوعبة. لأن الاستيعاب بيتطلب حاجة اسمها ثقافة سينمائية وخبرة مشاهدة
ومتابعة مش بس لما وصلت إليه المدارس الفنية المعاصرة لا كمان ارتباطها
بتاريخ السينما ومدارسها. والحقيقة هو أن الترابط بين تاريخ السينما
المصرية وهضم المدارس السينمائية المعاصرة ووجود رؤية وأسلوب خاص وأصيل هو
اللي بيميز فيلم "ريش". ده فيلم مبني على السينما المصرية ومتأثر بالعالمية
كنتاج إنساني طبيعي نتأثر بيه وفيه سمات تخصه وتخص مخرجه وحده. احنا مش
بنشهد ولادة مخرج مهم احنا بنشهد ولادة مخرج اتولد عنده من النضج والابداع
ما يجعله يبقى واحد من أهم صناع السينما المصرية في تاريخا في سلسلة طويلة
من عظماء زي كامل التلمساني وشادي عبد السلام وسعيد مرزوق وخيري بشارة اللي
عملوا أفلام نقلت السينما المصرية نقلات غير مسبوقة وعملت ارتباك مش بس
للمشاهدين اللي مفهموش ومعجبتهمش الافلام لا كمان صناع السينما اللي لغاية
دلوقتي بيحاولوا يقلدوهم وحتى النقاد اللي صناع السينما العظام دايما
بيبقوا سابقينهم وبيبقى دورنا هو فهم وتفسير وشرح اللي عمله صانع الفيلم
علشان نقرب المسابقة والنقلة الكبيرة اللي اتولدت بين الفيلم والمشاهد.
أخيرا النقلات دي هي اللي بتطور الفنون والفيلم ده هيتقلد من صناع سينما
مصريين وأجانب فوق ما تتخيلوا |
|
|
|
#### |
|
|
|
فيس بوك ـ 21 أكتوبر
Mohamed Sayed AbdelRehim
يرى الناقد الفني محمد سيد عبد الرحيم أن ما أثير حول الفيلم وتأثيره على
سمعة مصر أزمة ملفقة بالكامل ، خاصة من جانب الفنان شريف منير.
وأضاف عبد الرحيم في حواره مع “الرؤيا”: “اعتبرها محاولة من شريف منير
لركوب” التيار “بإثارة أزمة لا أساس لها. أهم الأفلام المصرية هذا العام ،
ولعله من أجمل الأفلام المصرية منذ سنوات عديدة. |
|
|
|
#### |
|
|
|
فيس بوك ـ 21 أكتوبر
Mohamed Sayed AbdelRehim
باختصار هناك الآن جهتان لإنتاج الأعمال الفنية في مصر: وطنية رسمية، وخاصة
أجنبية، وهناك فريقان من الفنانين يتنافسان للحصول على قطعة كعكة من هذه
الأعمال. والأمر نفسه ينطبق على وسائل الإعلام، هناك ألف شريف منير،
يتكالبون على "التورتة"، والصراع بينهما شرير مرير. |
|
|
|
#### |
|
|
|
فيس بوك ـ 21 أكتوبر
Mohamed Sayed AbdelRehim
وأكد الناقد محمد سيد عبد الرحيم أن فيلم «ريش»، لا يمكن إطلاقًا أن يسيء
لسمعة مصر، وهو الذي قام بحصد جوائز عالمية، وهذا الكلام يقال منذ سنوات
طويلة فقيل على يوسف شاهين في فيلم «باب الحديد»، ومحمد خان وغيرهما العديد
من صناع الأعمال المهمة، وأنه يعتبر هذا الفيلم واحدًا من الأفلام المهمة
والمميزة، سواء في رؤيته أو الأفكار التي يتحدث عنها، كما أنه تمت صناعته
بأسلوب مبتكر وعصري، إضافة إلى الجودة الكبيرة في عناصر الفيلم بداية من
الكتابة ثم التمثيل والمونتاج والإخراج، جميعها أشياء تقول، إننا أمام فيلم
قادر على أن ينافس بقوة، وبالتالي حصد ما حصل عليه من جوائز عالمية. |
|
|
|
#### |
|
|
|
فيس بوك ـ 20 أكتوبر
Mohamed Sayed AbdelRehim
المخرج عمر الزهيري يحصل على جائزة فرايتي لأفضل موهبة سينمائية في الشرق
الأوسط وشمال أفريقيا بعام ٢٠٢١.
مخرج فيلم "ريش" عمر زهيري أثناء تسلمه الجائزة: شديد الفخر بمصريتي وأني
جزء من تاريخ السينما المصرية العظيم. |
|
|
|
#### |
|
|
|
فيس بوك ـ 20 أكتوبر
Mohamed Sayed AbdelRehim
دار المرايا للانتاج الثقافي
في حوار مع "مرايا"..
صاحب فيلم "ريش" عمر الزهيري: هناك 300 طريقة لصنع فيلم مستقل.. وليس علينا
أن نصدق "الخواجة" دائمًا.
ضمن ملف عدد "مرايا 24" عن السينما المستقلة، أجرت الناقدة والصحفية ناهد
نصر حوارا موسعا مع المخرج الشاب عمر الزهيري حول فيلمه الأحدث "ريش" الذي
فاز بعدة جوائز عالمية، وعن قضايا الفيلم المستقل. |
|
|
|
#### |
|
|
|
فيس بوك ـ 18 أكتوبر
Mohamed Sayed AbdelRehim
في افلام بتتحول إلى فيلم مهم وكلاسيكي مع أول عرض له ومن الافلام دي فيلم
"ريش" للمخرج عمر زهيري. الافلام دي دايما بتتسم بالاصالة بمعنى ان لمخرجها
بصمة واضحة مختلفة ومتميزة عن بقية الافلام. القدرة على سرد حدوتة بسيطة
بطريقة مختلفة من ناحية الشخصيات والمواقف اللي بتحصل لهم مع مونتاج وشريط
صوت غير اعتيادي او تقليدي بالمرة هي السمات اللي تخلي المشاهد قاعد عايز
يعرف ايه نهاية الفيلم ومستمتع باللي بيحصل من مفاجأت وغرائب. خاصة ان
الفيلم ده ملوش اي علاقة بواقع مصري محدد لان مفيش اصلا لا زمان او مكان
محدد لكنه بنفس الوقت قادر على التعبير عن المجتمع المصري تماما كتعبيره عن
اي مجتمع انساني تاني. ودي عبقرية السيناريو والفيلم عامة. واحد من اهم
افلام السينما المصرية في تاريخها كله لانه هاضم كويس تاريخ السينما
المصرية من سمات رئيسية زي مشكلة الفقر والبطالة والصراعات الذكورية
وموتيفات زي صاحب البطل اللي بيغوي البطلة والرقص والاغاني وكمان قادر انه
يعبر وينقل السينما المصرية نقلة تانية في حتة تانية خالص باسلوب ما بعد
حداثي عصري والاهم بلغة سينمائية بصرية وسمعية بعكس افلام فنية كتير بتهتم
بجانب واحد بس. فيلم يستحق المشاهدة لاكثر من مرة لان كل مرة الواحد هيكتشف
فيه حاجات جديدة
#مهرجان_الجونة_السينمائي |
|
|
|
#### |
|
|
|
فيس بوك ـ 17 أكتوبر
Mohamed Sayed AbdelRehim
سألته وأنا أحاول إيقاف تيار أفكاره قليلًا كي نحللها بدقة أكثر "هل هي
فعلا قصة بسيطة؟ فقصة الفيلم تحتمل الكثير من التأويلات كغياب الرجل رب
الأسرة وتحول المرأة إلى بديل له ومشاكل عمال المصانع الاجتماعية
والاقتصادية والصحية وغيرها من المشكلات التي تهدد وتؤرق المهمشين في مصر."
أجاب "أقصد بالبساطة بساطة الخط الدرامي. فأسلوبي يحاول جعل الإنسان هو
الأساس لا الفكرة. أحكي عن أم والفيلم صنعته باعتباري ابن وزوج والأهم
إنسان. فـ ريش فيلم عن الإنسان في الأساس".
حواري مع مخرج فيلم "ريش" عمر الزهيري بمناسبة عرضه اليوم لأول مرة بمصر |
|
|
|
|
|
|
